SLAMET

Selawe njaluk slamet

tembung prasaja parikena ,

 tinemu ing brang wetan kana

tandhes ing rasa ,

krasa banget lamun rinasa

nunjem ing limpa ,

kang mireng ing karna

Tanpa tedheng , tanpa aling-aling

Tok-leh paring pepeling , murih eling

Eling ajine sedya kang ginayuh , lan

pangorbanan  ‘kersa angaji lelabuhane liyan’

ora gela

 tumrah kang bisa rumangsa ,

angobar duka

kang rumangsa bisa lan kuasa

Yogyakarta , 25 - 05 – 2010

(Gurit  punika sampun kapacak (kamuat) wonten ing Majalah Basa Jawa Djaka Lodang Yogyakarta)