Melathi , sira sun paringi makna mele-lathi
ya kedale lathi
uga
ngemu surasa mele-ati ya swara ati kang
setia asung pepeling suci
Sira pantes dadi reratu suci , Ratune para sekar
ing taman sari pertiwi
Ratu
kang paring ganda arum , angambar wangi
sejati
warna
wujud putihmu , sayekti anyengsem
daya suci
kang
mirsani karana ngerti lan angupadi
eba
eloke …….
Menawa
putihe wujudmu lan kagunganmu ganda kang arum wangi
sinudarsana
ing arume asma , kedale lathi , lan laku pakarti
nyantosani ambangun ajine dhiri
Yogyakarta
, 01 Juni 2010
(Gurit punika sampun kapacak (kamuat) wonten ing
Majalah Basa Jawa Djaka Lodang Yogyakarta)
Tidak ada komentar:
Posting Komentar