KEKADANGAN

Ing wayah bengi , aku mbudidaya ora nyaketi sliramu

sliramu lan kadangmu kang padha sayah lan kesel

kesel ragamu , ngayahi kodrat laku darmamu

Ing wayah bengi , menawa aku nyaketi sliramu

aku lan sliramu sakadang , sanyata bakal rebut menang

rebutan daya* , kang kanggo mulihake daya* lan kekuatanmu

Daya kang nedya sira aturake , ing wanci rina candhake

marang aku lan  para kadangku nunggal hawa

kang samya nunggu asil olah kridhamu , para tetanemane

alam , kang agawe seger ayom lan ayeme suasana

Sira agawe ayome kahanan lan ayeme suasana

ing wanci siang , sesuker kang mijil saka ragaku

, lan sarine bumi  , kabiyantu sunare surya ndaru kartika

sira olah dadi mustikane hawa*  kagem sliraku

Yogyakarta , 30- 05 – 2010

(Gurit  punika sampun kapacak (kamuat) wonten ing Majalah Basa Jawa Djaka Lodang Yogyakarta)