DHANDHANG

MANUK GAGAK dasa namaku 

ireng cemani  ‘warna wuluku’

wus angel banget  ’aku tinemu’

tinemu mabur  muter  ‘ing tengahing bebrayanmu’

Aku ‘sengkut saba’  ambudi daya , nedya

nyamber kuthuk2 cilik  ‘kang tanpa daya’ 

kepara ora  pa2 ‘anemu bathang’  

kang binuwang tanpa guna

Sanyata  ‘angel banget tinemu’ panganku

berkah ing  ‘madyane bebrayan iki’

agawe  ‘kogel lan keselku’

lan  ‘mangkel bebrayan agungku saiki’

Sanyata ‘rejane jaman’ lan ‘majune kapinteran’

Kuthuk2  cilik  ‘berkahku’  wus pinager kuat

ing pager-pager ‘waja kulawarga’

ing pager waja  ‘kulawargane kewala’

Sagunge ‘bathang’  kanggoku

kang kabuwang kudu dening sliramu

ing  ‘madyane bebrayanku’

‘tanpa wayah lan ora kenal sayah’

 ‘isih jinarah rayah’ angangah-angah  tanpa welas lan wegah

Balung kebak daging lan isi , sinurung ati kang angrenani

 ‘berkah - amanah’ kang angemu aji lan pangaji 

Kinekep lan kinukup ing kronimu sami 

datan wigih areringa ‘kinorupsi wani’

DHANDHANG lan PANGANKU , manunggal  ing  laku nyawiji 

manunggal  ing aku , nyawiji ing lathi - nurani -  pakarti - lan - bukti

ora ing   ‘ephoria janji - janji’ ,  

ora amung ing wanci ‘sumpah suci’  alandesan kitab suci

aku         DHANDHANG  lan  PANGANKU

DHANDHANG  lan  PAMBENGOKE  SUARAKU

aku         PAUGERAN  ‘KANG  ALUM’

PAUGERAN  ALUM  ing ‘BEBRAYAN KANG ALUM’  

BEBRAYAN ALUM ing  ‘TAMAN ASRI KANG ENDAH-EDI’ ing UNI

aku         BEBRAYAN AGUNG  kang ketaman  JAMAN EDAN  sayekti

BEBRAYAN kang sarwa ewuh-aya ing pambudi amenangi  JAMAN EDAN iki

Ing  ‘bonbin’   aku  kinurung angker  …………………………………….………………… tenger2

Ing  ‘dhongraja’ lan ‘bonraja’  aku rapet sinengker  ..……….……………... k e l e n g e r

eling  -   waspada   -  prayitna

prayogane padha……!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

sabegjane  ‘kang lali’  luwih begja  ‘KANG ELING-WASPADA-PRAYITNA’

Ngayogyakarta , 16 juli 2012