WEKTU

mBanyu mili , kanthi ajeg nekani

Esuk-awan-sore-wengi , bali  esuk-siang-sore-ratri

mangkono sejatine kang dumadi

Dudu wektu lumaku, kanthi ajeg nekani …………

…. bumiku - bumimu – bumi kita – bumi MU

anyakra panggilingan munyer anyipta sira ’sang wektu’

mbanyu mili kanthi ajeg nekani sagunge dumadi 

Sagunging dumadi adil warata  antuk  kanugrahan MU

Adil antuk panase srengengeMU

Adil antuk sunare suryaMU

Adil antuk dayane baskaraMu

Yekti   ’Panjenengan Maha Adil’ anggesangi dumadi

Nadyanta  panas- sunar-dayane Sang Bagaspati ora anekani ,

katutupan  mega , mendhung …. lan liyane

sliramu tetep setya lumaku

‘Adile Sang Murba Dumadi’  tetep ana lan setya nekani

sang wektu sayekti 

Kanungrahan Panjenengan Hyang Widi

kang momot , kaemot , lan  kamot  ing urip  iki