Pangripta , minangka
Pangripta
aku dadi caraka : dinuta sang
cipta lan
rasaku sejati
kang sanyata , sami datan bisa kandha kanthi
kedale lathi
aku diminta sang cipta , dinuta
sang rasa
supaya mranata lan anggandheng aksara
dadia reriptan ukara kang ngemu surasa ,
kasat mata , bisa kawaca , lan bisa kandha
Panggraita
Sapa aku ? pitakonku marang
sliraku
Sapa aku , gumantung ana ing
wektuku
Ing sadengah papan ,
Nalika aku nulis , aku sinebut
juru tulis
Nalika aku lagi adang , aku dadi
juru dang
Samangsa aku maca , aku dadi
panggraita
Rasaku anggraita rasa , Ciptaku
lelana amiyaki rasa
Rasa kang sinirat ing tulis kang
sinerat
Anggraita murih trep lan laras
ing rasa
Rasamu lan
rasaku , Pangripta lan
Panggraita
